Kaya tinawag na Nag-iisang Tagapamagitan

Ang Panginoong JesuCristo ay ang "Nag-iisang Tagapamagitan" na sumasalamin sa "Salita" ng Panginoong Diyos, at walang makaparoroon sa Ama kundi sa pamamagitan lamang niya, sapagkat ang tanging saligan ng katotohanan ay ang "Banal na Kasulatan".At iniaral ni Apostol Pablo na hindi dapat tayo humigit sa isinasaad sa nakasulat. Nawawalan ng kabuluhan ang pagsamba ng tao sa Panginoong Diyos kung ang sinusunod nila ay ang katuruan nalang ng tao at hindi na nababatay sa Banal na Kasulatan. Sapagkat ang "Salita" sa Banal na Kasulatan ay sumasalamin sa Panginoong JesuCristo na siyang tanging "Tagapamagitan" sa Diyos at sa tao.

Mga patotoo Ang Panginoong JesuCristo ang sumasalamin sa Salita ng Diyos

Juan 1:10-12, 17 10Dumating ang Salita sa sanlibutan ngunit hindi siya kinilala ng sanlibutang ito na nilikha sa pamamagitan niya. 11Pumunta siya sa kanyang bayan ngunit hindi siya tinanggap ng sarili niyang kababayan. 12Subalit ang lahat ng tumanggap at sumampalataya sa kanya ay binigyan niya ng karapatang maging mga anak ng Diyos. 17Ibinigay sa atin ng Dios ang Kautusan sa pamamagitan ni Moises, ngunit ang biyaya at katotohanan ay napasaatin sa pamamagitan ni Jesu-Cristo.

Ang kasulatan sa Biblia ang nagtuturo ng katotohanan

2 Timoteo 315Mula pa sa pagkabata, alam mo na ang Banal na Kasulatan, na nakapagbibigay sa iyo ng karunungan tungo sa kaligtasan sa pamamagitan ng pananampalataya kay Cristo Jesus. 16Lahat ng Kasulatan ay isinulat sa pamamagitan ng kapangyarihan ng Dios, at mapapakinabangan sa pagtuturo ng katotohanan, pagsasaway, pagtutuwid, at sa pagsasanay sa matuwid na pamumuhay,

Huwag higitan ang sinasabi sa kasulatan

1 Cor 4 6Mga kapatid, ginamit kong halimbawa ang aking sarili at si Apolos upang matutunan ninyo ang ibig sabihin ng kasabihang, “Huwag ninyong higitan ang sinasabi ng Kasulatan.” Kaya huwag ninyong ipagmalaki ang isa at sabihing mas mabuti siya kaysa sa iba.

Ang walang kabuluhan

Mateo 15 9Walang kabuluhan ang pagsamba nila sa akin,sapagkat ang mga itinuturo nila ay mga utos lang ng tao.’ ”