Matagal ng pinagtatalunan kung ano
nga ba talaga ang ibig sabihin ng Panginoong JesuCristo sa kanyang
patalinhagang salita sa talatang Juan 10:9 na "Papasok at lalabas at
makakasumpong ng pastulan". Ang sagot ng iba ay lumabas daw sa Iglesia at
ang iba naman ay makakasumpong ng pastulan kapag pumasok ka at pagkatapos kapag
namatay ka ay lalabas ka ng libingan at makakasumpong ng pastulan. Hindi
nagkakaisa ng palagay sapagkat hindi nasuring mainam. Ganyan din ang pangyayari
sa bayan ng Diyos noon.
Juan 10
19Dahil sa mga pananalitang ito,
hindi na naman nagkaisa ng palagay ang mga Judio.
Hindi rin nagkaisa ang mga hudyo na
bayan ng Diyos noon sa kanilang paniniwala. Litong lito sila sa patalinhang
salita ng Panginoong JesuCristo tulad sa pagkalito ng nakararami ngayon. Iyan
ang dahilan kaya tuwing babasahin sa atin ang talata sa Juan 10:9 ay pinuputol
nalang at hindi na idinudugtong ang katagang..."Papasok at lalabas",
marahil para hindi na magkaroon pa ng isipin ang mga kapatid sa panahon ng
pagtuturo ukol diyan dahil iba naman ang pinatutungkulan ng leksyon, bagama't
bawal sa nasusulat ang pagputol o pag alis ng mga nakasulat (Pahayag 22:19)
sapagkat katumbas ito ng pagkakait sa mga kapatid ng dapat pang kainin ng
kanilang kaluluwa. Kaya mas mainam na saliksikin natin ang kasagutan sa
pamamagitan din ng mga pahayag ng Panginoon at sa iba pang nakasulat sa Banal
na Kasulatan upang maihayag sa atin ang lahat ng katotohanan.
Ang binabanggit na talata..
Juan 10:9 (Ang Biblia)
9Ako ang pintuan; ang sinomang taong
pumasok sa akin, ay siya'y maliligtas, at papasok at lalabas, at makasusumpong
ng pastulan.
Ngayon ay suriin natin ang bawat
detalye sa pahayag na iyan at kumuha ng pagwawangis na turo sa Banal na
Kasulatan. Alalahanin natin ang turo sa atin mula pa noong una..."“Na ang
mga bagay na ito ay atin namang sinasalita, hindi sa mga salitang itinuturo ng
karunungan ng tao, kundi sa itinuturo ng Espiritu; na iwinawangis natin ang mga
bagay na ayon sa espiritu sa mga pananalitang ayon sa espiritu.” (I Cor. 2:13).
Itinuro sa atin sa pamamagitan ng talatang iyan na sasaliksikin natin ang
nakasulat sa pamamagitan ng "Pagwawangis" sa nakasulat at hindi
nababatay sa salitang turo o karunungan lang ng tao.
Suriin natin ang talata sa ibang
salin sa ingles at ibang salin ng tagalog.
John 10:9 New Living Translation
Yes, I AM THE GATE. Those who come in
THROUGH ME will be saved. THEY COME AND GO FREELY and will find GOOD PASTURES.
Juan 10 (Ang Salita ng Dios)
9AKO ANG PINTUAN. Ang sinumang
pumasok SA PAMAMAGITAN KO ay maliligtas. Magiging katulad siya ng tupa na
MALAYANG NAKAKAPASOK AT NAKAKALABAS NG KULUNGAN, at makakatagpo siya ng
PASTULAN.
Sa pamamagitan ng pagsasaliksik natin
sa iba pang salin ay nakuha natin ang pinakamahalagang mga detalye..."Ang
pumasok sa PAMAMAGITAN KO" at ang "MALAYANG NAKAKAPASOK AT
NAKAKALABAS", sa ingles ay "THROUGH ME" at "THEY COME AND
GO FREELY". Wala iyang mga pahayag na iyan sa salin ng "Ang
Biblia". Para sa atin ay ang mga inihayag nating dalawang talata na iyan
sa tagalog at saling Ingles ay pinakamainam na salin para sa Juan 10:9 sapagkat
kung paniniwalaan natin ang mga pahayag ng ilan na lalabas daw sa Iglesia ay
mali sapagkat hindi ugali ng isang mabuting kristiyano na tila pinaglalaruan
niya ang kanyang pananampalataya at turo ng Panginoong JesuCristo na lalabas ka
sa kanyang katawan? Sapagkat ang pagpasok sa katawan ng Panginoon ay
ibinibilang mo ang sarili mo na maisangkap ka para maging banal tulad sa
nakasulat sa 1 Pedro 1:15-16 sapagkat ang Panginoon ay Banal. Hindi kabanalan
na itakwil mo ang katawang banal ng ating Panginoong JesuCristo. Hindi rin
natin maaring paniwalaan ang turo na ang paglabas na tinutukoy dun sa talata ay
"Paglabas sa libingan", ibig bang sabihin malaya kang nakakapasok at
nakakalabas ng libingan? Labas masok ka sa libingan? Ang tinutukoy sa talata na
papasukan at lalabasan ay "KULUNGAN" at hindi libingan. Ano ba ang
ibig sabihin ng "Kulungan" kung pagbabasehan mo ang nakasulat sa
Banal na Kasulatan? Unawain natin...
Galacia 3
23Bago dumating ang panahon ng
pananampalataya, tayo'y IKINULONG SA KAUTUSAN hanggang sa ang pananampalatayang
ito kay Cristo ay mahayag.
Naihayag sa
atin.."Kautusan" ang katumbas ng salitang "Kulungan".
Ang maraming kinapapalooban ng
salitang "Kautusan"...
Kautusan - law; the law; laws; law
to; a law; decree; rule; ORDER; charge; MANNER; judgment;. May be synonymous
with: Tagalog, English. tuntunin. rule
https://www.tagalogtranslate.com/tl_en/8608/kautusan
Batay sa ating nabasa nakapaloob
diyan ay batas, ang tuntunin, ang utos na umiiral na nakasulat.Kung mapapansin
ninyo ay nakahalo din sa synonyms ng word na "Kautusan" ang
"ORDER" at "MANNER". Kung titignan mo ang ibig sabihin sa
diksyunaryo ng word na ORDER AT MANNER ay ganito ang ating mababasa...
Order: an authoritative command,
direction, or instruction.
Manner: a person's outward bearing or
way of behaving toward others.
a way in which a thing is done or
happens.
synonyms: way, fashion, mode, means,
method, system, style, approach, technique, procedure, process, methodology,
modus operandi, form, routine, practice
Synonyms: demeanor, air, aspect,
attitude, appearance, look, bearing, cast, deportment, behavior, conduct; More
Mula sa nabasa natin ay nakapaloob
diyan sa word na "Kautusan" ang pag-uutos na mula sa tao mismo,
direktiba hindi lang sa literal na batas na umiiral o tuntunin na mula sa
nakasulat. Maraming instruksiyon na pwedeng umiral at nakakaimpluwensya din ang
ikinikilos o iginagawi ng nag-uutos mismo. Mayroon ding Good Manner at may Bad
Manner. Kaya mauunawaan natin na sa "Kulungan" o "Kautusan"
kung saan nakakulong ang mga tagasunod ay may pag-uutos at pagpapakita ng
ikinikilos narin ng taong nag uutos na nakakaimpluwensya ng mga tagasunod.
Alalahanin natin na may mga
importanteng detalye na dapat tandaan sa mga pahayag ng Panginoon...
(PINTUAN, PAMAMAGITAN, KULUNGAN)
May pintuan na papasukan para
makapasok sa loob ng kulungan.
Juan 10 (Ang Salita ng Dios)
7Kaya muling sinabi ni Jesus,
“Sinasabi ko sa inyo ang totoo, AKO ANG PINTUAN NA DINADAANAN NG MGA TUPA. 8May
mga tagapagturo na nauna sa akin, na ang katulad ay mga magnanakaw at mga
tulisan. Ngunit hindi sila pinakinggan ng aking mga tupa.9AKO ANG PINTUAN. Ang
sinumang pumasok SA PAMAMAGITAN KO ay maliligtas. Magiging katulad siya ng tupa
na MALAYANG NAKAKAPASOK AT NAKAKALABAS NG KULUNGAN, at makakatagpo siya ng
PASTULAN.
Repasuhin natin pati ang mga
patotoong talata...
ANG PINTUANG DINADAANAN - Panginoong
JesuCristo (Juan 10:7)
NAMAMAGITAN - Panginoong JesuCristo
(Juan 10:9)
KULUNGAN - Kautusan sa bayan ng
Diyos (Galacia 3:23)
Ang iba pang sinasalamin ng
Panginoong JesuCristo
Ang Panginoong JesuCristo ay
sumasalamin sa "Salita" ng Panginoong Diyos (Juan 1:1-18) na siya
ring sumasalamin sa "Pintuan"(Juan 10:7) na dadaanan papasok sa "kulungan o kautusang" pinaiiral sa bayan ng Diyos(Galacia 3:23). Ibig lang
sabihin ay babatayan mo ang salita o turo ng Panginoong JesuCristo kung susunod
ka sa ipinag-uutos sa iyo. Ang Panginoong JesuCristo ay ang tagapamagitan, kaya
nga ang pahayag niya sa Juan 10:9 ay "Ang sinumang pumasok sa PAMAMAGITAN
KO ay maliligtas". Kaya ang ikaliligtas ay yung lagi mong babatayan ang
utos ng Panginoon sa pagsunod mo sa utos na umiiral. Kung hindi na umaayon sa
utos ng Panginoong JesuCristo ay hindi ito dapat sundin ng tunay na tupa na
dumirinig ng kanyang tinig.
Juan 10 (MBB)
5Hindi sila sumusunod sa iba, kundi
patakbong lumalayo, sapagkat hindi nila kilala ang tinig ng iba.”
Ang tinig lang ng Panginoon ang dapat
sundin sapagkat makakarating lamang tayo sa Amang Banal kung ang dadaanan natin
ay ang katotohanan na mula sa Panginoon.
Juan 14:6, 15
6Sumagot si Jesus, “Ako ang daan, ang
katotohanan, at ang buhay. Walang makakarating sa Ama kung hindi sa pamamagitan
ko.
15“KUNG MAHAL N'YO AKO, SUSUNDIN N'YO
ANG AKING MGA UTOS.
Kaya nga makakatagpo ng mabuting
pastulan ang isang tupa tulad sa nakasulat sa Juan 10:9 kung sumusunod sa tinig
ng Panginoon sapagkat papatnubayan siya sa TAMANG DAAN at nagkakaroon ng
kapahingahan ang kaniyang kaluluwa. Nakakainom siya ng malinis na tubig at
nakakakain siya ng sariwang damo, sapagkat nailalabas siya sa kulungan at
dinadala sa masaganang damuhan at tahimik na batisan at nagkakaroon siya ng
kalakasan.
Salmo 23
1Ang PANGINOON ang aking pastol,
hindi ako magkukulang ng anuman.
2 Tulad ng tupa, pinagpapahinga niya
ako sa masaganang damuhan,
patungo sa tahimik na batisan akoʼy
kanyang inaakay.
3Panibagong kalakasan akoʼy kanyang
binibigyan.
Pinapatnubayan niya ako sa TAMANG
DAAN,
upang siyaʼy aking maparangalan.
..............
Ang ginawang tagapamagitan ng Diyos
sa pagsunod ng tao sa tuntuning umiiral sa bayan ng Diyos ay ang Panginoong
JesuCristo, at ang tunay na pastol sa bayan ng Diyos ay sa pintuan dumaraan o
sa katotohanang itinuturo ng Panginoon.
Juan 10
2Ngunit ANG DUMADAAN SA PINTUAN ay
ang pastol ng mga tupa.
At kung iba ang dinaraanan ng isang
tao ay ano ang tawag sa kanya ng Panginoon?
Juan 10
1 Nagsalita si Jesus sa pamamagitan
ng paghahalintulad. Sinabi niya, “Sinasabi ko sa inyo ang totoo, ang pumapasok
sa kulungan ng mga tupa NANG HINDI DUMADAAN SA PINTUAN, kundi umaakyat sa pader
ay MAGNANAKAW AT TULISAN.
Sila ang hindi dinirinig ang tinig
dahil iba ang tinig nila sa tinig ng tunay na pastol
Juan 10
8May mga tagapagturo na nauna sa
akin, na ang katulad ay mga magnanakaw at mga tulisan. Ngunit hindi sila
pinakinggan ng aking mga tupa
Kaya ang tamang pagkaunawa sa pahayag
ng Panginoon ay malaya kang nakakapasok at nakakalabas ng kulungan o malaya
kang nakakasunod at hindi sa ipinag-uutos dahil ang babatayan mo ay ang turo ng
Panginoon kung ito ay tama. Bago ka makarating sa loob ng kulungan ay dadaanan
mo muna ang pinto na ang sumasalamin ay ang katotohanang turo ng Panginoon sa
ikababanal.
Juan 10 (Ang Salita ng Dios)
9AKO ANG PINTUAN. Ang sinumang
pumasok SA PAMAMAGITAN KO ay maliligtas. Magiging katulad siya ng tupa na
MALAYANG NAKAKAPASOK AT NAKAKALABAS NG KULUNGAN, at makakatagpo siya ng
PASTULAN.
KULUNGAN - Kautusan sa bayan ng Diyos
(Galacia 3:23)
Kautusan - law; the law; laws; law
to; a law; decree; rule; ORDER; charge; MANNER; judgment;. May be synonymous
with: Tagalog, English. tuntunin. rule
https://www.tagalogtranslate.com/tl_en/8608/kautusan
Order: an authoritative command,
direction, or instruction.
Manner: a person's outward bearing or
way of behaving toward others.
Kaya ang tunay na tupa ay hindi
paiimpluwensya sa maling pasunod at hindi rin magandang naiimpluwensyahan ang
isang tagasunod sa ikinikilos na mali ng kanyang sinusunod. Tulad ng naging
pahayag ng Panginoon sa kanyang mga alagad noon tungkol sa mga tagapagturo ng
kautusan sa bayan ng Diyos noon...
Mateo 23
2Sinabi niya, “Ang mga tagapagturo ng
Kautusan at ang mga Pariseo ang kinikilalang tagapagpaliwanag ng Kautusan ni
Moises. 3Kaya DAPAT NINYONG PAKINGGAN AT SUNDIN ANG LAHAT NG ITINUTURO NILA sa
inyo. Pero HUWAG NINYONG GAYAHIN ANG MGA GINAGAWA NILA dahil hindi nila
ginagawa ang mga itinuturo nila.
Dapat lamang na pakinggan at sundin
ang mga itinuturo na galing sa Banal na Kasulatan. Papasukan mo ang tamang
pagpapasunod at lalabas ka sa kamalian at halimbawang umiiral. Yan ang
ipinauunawa ng Panginoon sa pamamagitan ng talinhaga. Kailangan lamang itong
saliksikin, pag aralan at sundin ang katotohanan nang sa gayon ay makatagpo ka
ng mabuting pastulan na ikapagtatamo ng kapahingahan ng kaluluwa. (Juan 10:9)
