Mapalad tayo na patuloy na nagbabasa,
nagsusuri at nakikinig ukol sa mga nasusulat. Ito ang susi upang ganap tayong
makapaghanda bago ang paparating na matinding kawasakan at kahirapan sa mundo. (Naihayag na sa ibang hanay sa page kung ano ang sinasalamin ng mundo)
Pahayag 1
3Mapalad ang bumabasa ng aklat na
ito, ang mga nakikinig sa propesiya nito, at tumutupad sa nasusulat dito!
Sapagkat malapit na itong maganap.
Mauunawaan nga natin na malapit na
ngang maganap ang pinakamatinding mga kaganapan kung makikita natin ang mga
palatandaan pagkatapos nating magsuri at makita ang katotohanan na ipinahayag
ng Panginoon sa mga huling araw na ito. Kung patuloy tayong magsusuri sa Banal
na kasulatan at tinatanggap ito ng may kababaang loob ay maiingatan ang ating
pananampalataya at higit pang madaragdagan ang ating pagkaunawa na tunay ang
pagsusugo sa ating kapatid na Felix Manalo at ang Iglesia ni Cristo ang tunay
na bayan ng Diyos sapagkat kung ano ang pangyayari sa mga unang bayan ng
Panginoong Diyos noon ay gayundin ang pangyayari sa ating panahon- ang
paglilinis. Pagdating ng araw ay mailalahad ang lahat ng katotohanan sapagkat
tayong mga nakaunawa ang naging mga saksi sa lahat ng pangyayari sa ating
panahon.
Kung mauunawaan na natin lahat ay
magiging malaya na tayo sa pagkakagapos sa napakatinding kaabalahan sa mundong
ito at siguradong ang nanaisin mo na lamang ay makapaglingkod sa Ama at patuloy
na maging karapat-dapat habang nandito pa tayo na nabubuhay sa mundong ito.
Kung ipagkikibit balikat mo naman ang lahat ng mga patotoo at nasusulat ay
magiging kaawa-awa ka lamang kapag nangyari na ang nakatakda.
Daniel 12
10Marami sa mga nakakaunawa ng
katotohanan ang lilinisin ang kanilang buhay, at mauunawaan nila ang mga
sinasabi ko. Pero ang masasama ay patuloy na gagawa ng masama at hindi
makakaunawa ng mga sinasabi ko.
Pahayag 22
11Ang masama ay magpapakasama pa, at
ang marumi ay magpapakarumi pa. Pero ang matuwid ay magpapakatuwid pa, at ang
banal ay magpapakabanal pa.”
Hayag na sa atin ang daan na dapat
nating lakaran, kaya ang pagpapakatuwid at pagpapakabanal ang sikapin nating
maisabuhay upang mahayag sa atin ang lahat ng katotohanan sa ikapagiging handa.
Ano nga ba ang palatandaan bago
maganap ang binabanggit sa Biblia na napakatinding kahirapan na mararanasan sa
mundo?
Ang tungkol sa dulo ng panahon ay
inihula na dati pa sa aklat ng Daniel 12 at dito natin mapapatunayan ang ukol
sa mga pahayag ng Panginoong JesuCristo sa Mateo at ang sumasalamin sa kanyang
gawain sa huling panahon. Narito ang ilan sa mga mahahalagang palatandaang
nakasulat sa Daniel 12
A. Darating ang dakilang anghel na si
Miguel, ang makapangyarihang pinuno at tagapagtanggol ng bansang Israel.
(Daniel 12:1 MBB)
B. Magkakaroon ng matinding
kahirapang hindi pa nangyayari kailanman. (Daniel 12:1 MBB)
C. Maliligtas ang mga kababayan mong
ang pangalan ay nakasulat sa aklat ng Diyos (Daniel 12:1 Ang Dating Biblia)
D. Isara ang aklat at huwag munang
sabihin sa mga tao ang mensahe nito hanggang sa dumating ang katapusan. Habang
hindi pa ito ipinapahayag, marami ang magsisikap na unawain ang mga
nangyayari.” (Daniel 12:4 Ang Salita ng Diyos)
E. May dalawang tao sa magkabilang
pampang ng ilog at isang nakadamit puting lino na nasa ibabaw ng tubig (3 sila
na nakikita ni Daniel). Ang isa sa kabila ng pampang ay nagtanong sa nakaputing
lino na nasa ibabaw ng tubig (Daniel 12:5-6 Saling JW.org)
F. Ang tanong sa nakadamit lino na
nasa ibabaw ng tubig “Gaano pa katagal bago maganap ang mga pangitaing
ito?”(Ito ang ukol sa pagdating ni Miguel at ang kahirapang di pa nangyayari
kahit kailan) (Daniel 12:6 MBB)
G. Ang sagot ng nasa ibabaw ng tubig
habang itinataas ang dalawang kamay sa langit ng may panunumpa na sa pangalan
ng Diyos na nabubuhay magpakailanman, magaganap ang lahat ng ito sa loob ng
tatlong taon at kalahati. Kapag natapos na ang paghihirap ng bayan ng Diyos.”
(Daniel 12:7 MBB) Sa ibang salin sa JW.org ng Daniel 12:7 ay Kapag natapos na
ang pagdurog sa kapangyarihan ng banal na bayan,+ ang lahat ng bagay na ito ay
darating sa kanilang katapusan.”
H. Ang kahulugan nito'y mananatiling
lihim hanggang dumating ang wakas. Marami ang dadalisayin at mapapatunayang may
malinis na kalooban. Ngunit magpapakasama pa ang masasama, at wala isa man sa
kanila ang makakaunawa sa mga bagay na mauunawaan ng marurunong (Daniel 12:9-10
MBB)
Kung mapapansin ninyo ay gumamit tayo
ng iba’t ibang salin sa bawat verses sa Daniel 12, iyan ay sa malalim na
pagsusuri at pagwawangis sa mga hula ng Panginoong JesuCristo sa aklat ng
Mateo. Ito ay para makuha natin ang tamang pagkaunawa sa nakasulat.
Iwangis natin ngayon ang pahayag ng
Panginoon sa Mateo 24 sa Daniel 12
• Sa Mateo 24:30 –ang pagdating ng
Panginoong JesuCristo at sa Daniel 12:1 naman ay ang pagdating ni Miguel
Arkanghel
• Sa Mateo 24:21 –matinding
kapighatian na hindi pa nangyayari kailanman at sa Daniel 12:1 ay matinding
kahirapan na hindi pa nangyayari kailanman
• Sa Mateo 24:31 – titipunin ang mga
hinirang sa lahat ng dako upang makaligtas at sa Daniel 12:1 MBB ay maliligtas
ang mga nakasulat sa aklat ng buhay.
•Sa Mateo 24:3 TINANONG NG MGA ALAGAD
ANG PANGINOON kung kailan mangyayari ang mga pahayag niya tungkol sa pagguho ng
Templo at ang palatandaan ng muli niyang pagparito at sa Daniel 12:6 naman ay
NAGTANONG ANG ISANG TAO NA NASA KABILA NG PAMPANG sa nakadamit lino na nakatayo
sa ibabaw ng tubig kung gaano pa katagal bago maganap ang mga pangitaing ukol
sa pagdating ni Miguel at ang kahirapang di pa nangyayari kahit kailan”
Kung mapapansin ninyo ay sumasalamin
ang gawain ng Panginoong JesuCristo kay Miguel Arkanghel. Pati ang mga inihula
niya na mangyayari na nakasulat sa Mateo 24 ay ang inihula din ukol sa
pagdating ni Miguel sa Daniel 12. Ang nakita ni Propeta Daniel na nakatayo sa
ibabaw ng tubig na nakaputing lino noong panahong nakita niya sa pangitain si
Miguel Arkanghel ay sumasalamin din sa nakita ng mga alagad noon na nakita
nilang naglalakad sa ibabaw ng tubig ang Panginoong JesuCristo na nakasulat
naman sa Mateo 14:25, Marcos 6:49 at Juan 6:19. Pati ang pagtatanong ng isa sa
kabilang pampang sa Daniel 12 sa nakadamit lino na nasa ibabaw ng tubig ay
sumasalamin din sa pagtatanong ng mga alagad sa Mateo 24:3 sa Panginoon ukol sa
huling panahon. At alam nating ang Panginoong JesuCristo ang sumasalamin sa
Salita ng Panginoong Diyos na nakasulat sa Juan 1:1-13 na pinananaligan naman
ng mga tunay na sumasampalataya. Kaya naman magpahanggang sa panahong ito ay
ang tanging saligan lamang natin ng lahat ng katotohanan ay ang mga nakasulat
sa Banal na Kasulatan na iniaral ng ating Panginoong JesuCristo. Dito tayo
nagbabatay sa mga salita niya na sinasalamin naman natin ang pananalig ng mga
alagad noon sa Panginoong JEsuCristo sa lahat ng mga ipinapahayag niya. Hindi
natin kailangang magtanong ng personal sa Panginoon sapagkat narito na ang
lahat ng pahayag niya na kailangan lamang nating saliksikin.
1 Juan 2:27 (ASND)
Kung tungkol naman sa inyo, ang Banal
na Espiritu na tinanggap ninyo kay Cristo ay nananatili sa inyo, kaya hindi na
kailangang turuan pa kayo ng iba. Sapagkat ang Banal na Espiritu ang magtuturo
sa inyo sa lahat ng bagay. At ang mga itinuturo niya ay katotohanan at hindi
kasinungalingan. At gaya ng itinuro niya sa inyo, manatili kayo kay Cristo.
Balikan pa natin ang ukol sa iba pang
pagwawangis..
Ang mga hindi pa natin naiwangis ay
ang nakasulat sa Daniel 12:4 na ipinalilihim muna ang lahat hangga’t di pa
dumarating ang katapusan, sapagkat sa aklat ng Apocalipsis/Pahayag 22:10 ang
kaugnayan ng talata. Sa Apocalipsis/Pahayag 22:10 ay hindi na ito ipinalilihim
sa panahong malapit na ang lahat ng kaganapan, ito na nga sa ating panahon
ngayon na nasa dulo na ng panahon.
Mapapansin din natin na nung sumagot
ang nasa ibabaw ng tubig sa Daniel 12 ay itinaas niya ang kanyang mga kamay ng
may panunumpa sa langit na kahalintulad naman ng mababasa natin sa Pahayag
10:5-7 tungkol sa makapangyarihang anghel na bumababa mula sa langit na nagtaas
din ng kanyang kamay na may panunumpa. Ang kanyang mukha ay nagniningning na
parang araw tulad sa nakita sa mukha ng Panginoong Jesus ng kanyang mga alagad
na naisulat sa Mateo 17:2. Kaya mauunawaan natin ang koneksyon ng mga talata at
ang ukol sa gawain ng Panginoon. Noong tanungin ang nakadamit lino sa Daniel
12:7 kung gaano pa katagal bago maganap ang mga pangitain ukol sa Pagdating ni
Miguel at ang pagkakaroon ng kahirapang di pa nangyayari kahit kailan ay
sumagot siya na “Sa loob ng TATLONG TAON AT KALAHATI PAGKATAPOS NG PAGHIHIRAP
NG BAYAN NG DIYOS sa MBB salin at sa JW.org na salin naman ay “KAPAG NATAPOS NA
ANG PAGDUROG SA KAPANGYARIHAN NG BANAL NA BAYAN ang lahat ng bagay na ito ay
DARATING SA KANILANG KATAPUSAN.” Mula diyan sa tugon ng nakadamit lino ay
makakakuha tayo ng ilang clues o tanda upang maunawaan natin ang daan na ating
tatahakin upang tayo ay makapaghanda. Hindi man natin alam ang takdang oras
subalit ang mahalaga ay kapag nakita na natin ang lahat ay alam na nating
malapit na ang lahat ng katuparan ng mga hula na nakasulat sa Daniel at sa
Mateo 24 ukol sa pagdating ng Panginoon at ang kahirapang di pa nangyayari
kahit kailan na magaganap sa loob ng tatlong taon at kalahati. Hindi na tayo
mabibigla sa araw na iyon.
Clues: “KAPAG NATAPOS NA ANG PAGDUROG
SA KAPANGYARIHAN NG BANAL NA BAYAN ang lahat ng bagay na ito ay DARATING SA
KANILANG KATAPUSAN.”
1. Alin nga ba ang Banal na Bayan
ngayon?
2. Ano ang tinutukoy na “Pagdurog ng
kanilang kapangyarihan?”
3. Ano ang kanilang katapusan na
binabanggit?
Para makuha natin ang sagot batay sa
mga clues ay titignan muna natin kung ano ang termino na ginamit sa saling
ingles ng Daniel 12 mula sa unang tanong. Sa saling New King James Version
(NKJV) ng Daniel 12:7 When the power of the HOLY PEOPLE has been completely
shattered. Sino nga ba ang tinatawag na HOLY PEOPLE?
Ang Biblia ang sasagot…
1 Peter 2:5, 9-10 Aramaic Bible in
Plain English
5And YOU ALSO, AS LIVING STONES, be
built up and BECOME SPIRITUAL TEMPLE and holy Priests to offer spiritual
sacrifices acceptable before God by Yeshua The Messiah.
9But YOU ARE A CHOSEN RACE who serve
as Priests for The Kingdom, A HOLY PEOPLE, a redeemed assembly; you should
proclaim the praises of him who called you from darkness into his excellent
light. 10You are those who at the first were not considered a people, but now
are the people of God, neither were mercies upon you, but now mercies are
poured out upon you.
Hindi man natin banggitin ang
direktang kasagutan ngunit base sa nabasa ninyo ay tukoy na ninyo kung sino ang
mga HOLY PEOPLE na binabanggit sa clues na dudurugin ang kapangyarihan. At para
lalo pa nating matukoy ang ibig sabihin ng “PAGDUROG NG KAPANGYARIHAN NG BANAL
NA BAYAN ay kunin natin ang clue diyan sa talata ukol sa tinutukoy na HOLY
PEOPLE. Diyan mismo sa talata sa 1 Peter 2:5 na “YOU ALSO, AS LIVING STONES.
BECOME SPIRITUAL TEMPLE”. Alalahanin ninyo na ang pinag uusapan natin dito ay
ang ukol sa mga hula sa Mateo 24 at Daniel 12, kaya kukuha tayo ng wangis sa
banggit na “LIVING STONES BECOME SPIRITUAL TEMPLE” ukol sa mga tinatawag na
HOLY PEOPLE sa mismong pahayag ng Panginoon sa Mateo 24.
Basahin:
Clue: HOLY PEOPLE – LIVING STONES
BECOME SPIRITUAL TEMPLE
Matthew 24 International Standard
Version
Jesus Predicts the DESTRUCTION OF THE
TEMPLE
1As Jesus left the Temple and was
walking away, his disciples came up to him to point out to him the Temple
buildings. 2But he told them, “You see all these things, don’t you? I tell all
of youa with certainty, THERE ISN’T A SINGLE STONE HERE THAT WILL BE LEFT
STANDING ON TOP OF ANOTHER. They will all be torn down.”
Ang mas malinaw na pahayag ng
Panginoon ukol sa pagkawasak ng templo
•Lucas 19 41Nang malapit na siya sa
Jerusalem at natatanaw na niya ang lunsod, ito'y kanyang tinangisan. 42Sinabi
niya, “Kung nalalaman mo lamang sa araw na ito kung ano ang makakapagdulot sa
iyo ng kapayapaan! Ngunit ito'y lingid ngayon sa iyong paningin. 43Darating ang
mga araw na magkakampo sa paligid mo ang iyong mga kaaway, palilibutan ka nila
at gigipitin sa kabi-kabila. 44Wawasakin ka nila at lilipulin ang lahat ng
taong nasasakupan mo. Wala silang iiwanang magkapatong na bato sapagkat hindi
mo pinansin ang pagdalaw sa iyo ng Diyos.”
Alin ang Jerusalem sa ating panahon?
Ibig sabihin lahat ay hindi
makakatayo sa kapwa bato, lahat ay iguguho. Lahat ay panghihinaan ng loob kapag
dumating na ang katapusan ng kapangyarihan tulad sa saling JW.org ng Daniel 7
na “KAPAG NATAPOS NA ANG PAGDUROG SA KAPANGYARIHAN NG BANAL NA BAYAN ang lahat
ng bagay na ito ay DARATING SA KANILANG KATAPUSAN.” Anong kapangyarihan kaya
ang tinutukoy sa malalim nating pagsusuri? Alalahanin natin ang pahayag sa
Daniel 12:7 sa taas sa saling ingles na “WHEN THE POWER of the HOLY PEOPLE has
been completely shattered”. Makakakuha rin tayo ng ideya sa isa pang pahayag ng
Panginoong JesuCristo sa mismong Mateo 24, basahin…
Matthew 24:29 New King James Version
(NKJV) The Coming of the Son of Man
29 “Immediately after the tribulation
of those days THE SUN WILL BE DARKENED, AND THE MOON WILL NOT GIVE ITS LIGHT;
THE STARS WILL FALL FROM HEAVEN, AND THE POWERS OF THE HEAVENS WILL BE SHAKEN.
Huwag lang nating isara ang ating
pang unawa subalit mula sa mga nakasulat at patalinhagang pahayag ng Panginoon
ay mauunawaan natin lahat kung alin/sino ang mga binabanggit. Iyan ang mga
palatandaan sa pagdating ng anak ng tao o ng Panginoong JEsuCristo at ang
kahirapang di pa nangyayari kahit na kailan. Kaya nga kung makita na natin ang
lahat ng ito ay hindi na tayo mabibigla dahil nakahanda na tayo.
Kaya napakahalaga talaga ang
pananalig at pagsunod sa mga salita ng ating Panginoong JesuCristo sapagkat ito
ang ating ikaliligtas. Maaring sabihin ng iba… “Bayan ng Diyos ang tinutukoy sa
mga ibinigay mong talata na dudurugin ang kapangyarihan, kapag bayan ng Diyos ay
di niya ito pababayaan dahil may pangako Siya dito”…SAgot natin? Totoo yan…
ngunit mas mainam na unawain ang huling mga talatang ihahanay sa inyo. BAkit sa
kabila ng mga pangako ng AMA sa Kanyang bayan ay magagawa Niyang durugin ang
kapangyarihan ng mga ito? Basahin at unawain…
Salmo 89
34HINDI KO SISIRAIN ANG AKING
KASUNDUAN SA KANYA, AT HINDI KO BABAWIIN ANG AKING IPINANGAKO SA KANYA.
35 NANGAKO AKO KAY DAVID AYON SA AKIN
KABANALAN AT HINDI AKO MAAARING MAGSINUNGALING.
36Ang bawat hari ng Israel ay magmumula
sa kanyang lahi magpakailanman gaya ng araw,
37at magpapatuloy ito magpakailanman
katulad ng buwan na itinuturing na
tapat na saksi sa kalangitan.”
38NGUNIT, PANGINOON, NAGALIT KAYO sa
inyong piniling hari;
ITINAKWIL N'YO SIYA AT INIWANAN,
39BINAWI N'YO ANG KASUNDUAN SA INYONG
LINGKOD AT KINUHA SA KANYA ANG KAPANGYARIHAN BLANG HARI.
40WINASAK NINYO ANG MGA PADER NG
KANYANG LUNGSOD AT GINUHO ANG MGA PINAGTATAGUAN NILA.
41Kaya lahat ng dumadaan sa kanyang
kaharian ay nananamantala,
pinagsasamsam ang mga kagamitan sa
lungsod.
Pinagtatawanan siya ng mga katabing
bansa.
42Pinagtagumpay nʼyo ang kanyang mga
kaaway at pinasaya silang lahat.
43Winalang kabuluhan ninyo ang
kanyang mga sandata at ipinatalo siya sa labanan.
44Winakasan nʼyo ang kanyang
katanyagan pati na ang kanyang kapangyarihan bilang hari.
45At dahil ditoʼy, nagmukha siyang
matanda sa bata niyang edad.
Inilagay nʼyo siya sa kahihiyan.
46 PANGINOON, hanggang kailan nʼyo
kami pagtataguan?
Wala na ba itong katapusan?
Hanggang kailan mag-aapoy ang inyong
galit sa amin?
47Alalahanin nʼyo kung gaano kaiksi
ang buhay ng tao.
Alalahanin nʼyong nilikha nʼyo ang
tao na may kamatayan.
48Sinong tao ang hindi mamamatay?
Maiiwasan ba ng tao ang kamatayan?
49Panginoon, nasaan na ang dati ninyong
pag-ibig?
Ang pag-ibig na ipinangako nʼyo kay
David ayon sa inyong katapatan sa kanya?
50Alalahanin nʼyo, Panginoon, kung
paanong hiniya ng maraming bansa ang iyong lingkod at ito ay aking tiniis.
51Ang mga kaaway nʼyo, PANGINOON, ang
siyang kumukutya sa pinili nʼyong hari, saan man siya magpunta.
May matitira sa banal na bayan. Sila
ang mga lumakad sa daan ng Panginoon, nagbagong buhay at lubos na nagsisi.
.
Isaias 10
21Ang mga natira sa sambahayan ni
Jacob ay magbabalik sa Diyos na Makapangyarihan, 22sapagkat kung sindami man ng
buhangin sa dagat ang mga Israelita, ilan lamang ang makakabalik. Nakatakda na
ang pagwasak sa iyo ayon sa nararapat. 23Sa takdang panahon, ang buong bansa ay
wawakasan ni Yahweh, ang Makapangyarihang Panginoon.
Kung sa tingin natin ay walang naging
paglabag ang mga nangunguna, at ang bayan ng Diyos ngayon ay hindi napasailalim
sa mga paglabag sa nakasulat ay wala tayong dapat alalahanin, subalit tulad ng
pahayag ng Panginoon ay…
Lahat ng nakasulat ay magaganap...
.
Mateo 5
18Tandaan ninyo: maglalaho ang langit
at ang lupa, ngunit ni isang tuldok o kudlit man ng Kautusan ay di mawawalan ng
bisa hangga't hindi natutupad ang lahat. 19Kaya't sinumang magpawalang-bisa sa
kaliit-liitang bahagi nito, at magturo nang gayon sa mga tao, ay magiging
pinakamababa sa kaharian ng langit. Ngunit ang sumusunod sa Kautusan at
nagtuturo sa mga tao na tuparin iyon ay magiging dakila sa kaharian ng langit.
